Ho Gaya Kis Say Bhara Khana e Zahra Khali

Ho Gaya Kis Say Bhara Khana e Zahra Khali

Chal dia Aap magar kar gaya duniya khali

Khon se Apne Dam Sajda uga kar Gulshan

Tu ne rehne na diya dhaman e shera khali

Allah Allah wo Shabbir ka zor e bazu

Eik hi war mein kar di saf e Aiyda Khali

Loat kar aayen gay kab tak k Sakina hai udas

Pooch leta koi Abbas se itna khali

idrki Fatima. Ya Fatima keh kar royein

Dekha Zenab ne jo aate howe Ghora khali

Gonjti hain wohi Nana ki sadayein pehm

Teri yadon se nahi gumbad e khazra khali

Karbala ho k Najaf ho wo Arab ho k Ajam

hum ne dekhi na Tere ghum se koi ja khali

Jo bhi aaya isay khol kar Mere Moula ne diya

Kis k damaan ko Mere Shah ne chora khali

Wo to ek sajda e Shabbir ne rakh li izzat

Warna Ho jati khuda walo se duniya khali

Asghar o Akbar Abbas o Sakina k Tufail

Bheek mil jaye k khashkol hai apna khali

Aal e Ashab ka saya hai Tere sar par Nasir

Tera daman na raha hai na rahe ga khali

ہو گیا کس سے بھرا خانہ ء زہرا، خالی 

چل دیا آپ ، مگر کر گیا دنیا ، خالی

خون سے اپنے دم سجدہ اگا کر گلشن 

تو نے رہنے نہ دیا دامن صحرا ، خالی

اللہ اللہ وہ شبیر کا زور بازو 

ایک ہی وار میں کر دی صف اعدا، خالی

لوٹ کر آئیں گے کب تک کہ سکینہ ہے اداس

پوچھ لیتا کوئی عباس سے اتنا ، خالی

ادرکی، فاطمہ ، یافاطمہ! کہہ کر روئیں 

دیکھا زینب نے جو آتے ہوئے گھوڑا، خالی

گونجتی ہیں وہی "نانا" کی صدائیں پیہم 

تیری یادوں سے نہیں گنبد خضری، خالی

کربلا ہو کہ نجف ہو وہ عرب ہو کہ عجم

ہم نے دیکھی نہ تیرے غم سے کوئی جا، خالی

جو بھی آیا، اسے کھل کر میرے مولا نے دیا

کس کے دامن کو مرے شاہ نے چھوڑا، خالی

وہ تو اک سجدہ ء شبیر نے رکھ لی عزت

ورنہ ہو جاتی خدا والوں سے دنیا ، خالی

تیری اوقات ہی کیا اے سپہ شام و دمشق 

جب یہ گزریں، تو ملک بھی کریں رستہ، خالی

سیم و زر اس کو ملے جن کو ہوس ہو اس کی 

مجھ کو دینا ہے ، تو دے ان کی تمنا ، خالی

اصغر و اکبر و عباس و سکینہ کے طفیل 

بھیک مل جائے کہ کشکول ہے اپنا ، خالی

آل و اصحاب کا سایہ ہے تیرے سر پہ نصیر 

تیرا دامن نہ رہا ہے ، نہ رہے گا خالی

کلام:

تاجدارِ گولڑہ پیر سید نصیر الدین نصیر گیلانی رحمتہ اللّہ تعالیٰ علیہ